"महाश्वेता " - डॉ. सुमती क्षेत्रमाडे
या लेखिकेचे तिसरे पुस्तक. ही एक कादंबरी. सुधा नावाच्या सुंदर स्त्रीची कहाणी. लग्नानंतर दोन वर्षानंतर कोड याचे निदान होते. आणि सुखाचा चाललेला संसार उध्वस्त होतो. सासर मंडळी सुधास कोड बरा झाल्यावरच सासरी यायचे असे सांगून तिला माहेरी कायमची पाठवतात. सुधाचा नंतरचा प्रवास लेखिकेने उत्तम व्यक्त केला आहे. पुस्तकाच्या प्रस्तावनेत लेखिका सौन्दर्य बाबत आपले मत मांडतात. त्या लिहितात - "सौन्दर्य म्हणजे सदभावना, स्नेहादर्त, सहानभूती, समवेदना समदृष्टी..छे इंद्रधनुष्याचे रंग मोजता येतात. पण संध्यारंगछटा मोजता येतात का? सौन्दर्याचे तसेच आहे. सौन्दर्याची थोडक्यात व्याख्या - आपल्यात दुसऱ्याला सामावून घेण्याची आंतरिक शक्ती. जीवन जगण्यासाठी आणि जगवण्यासाठीही आहे." हे मला खूप भावले. पुस्तक वाचनीय आहे. या कादंबरीवर दूरदर्शन वर मालिका प्रसिद्ध झाली होती.
