Shekhar's write-up

  ''हातातलं पुस्तक खाली ठेवलं नाहीस, तर मी ते चुलीतच घालीन.' स्वयंपाकघराच्या एकाकोपऱ्यात बसलेल्या मला आईच्या वस्सकन ओरडण्यानं आणि पाठीवर बसलेल्या फटक्यानं वास्तवाचं भान आलं. 'आपण वाचतोय आणि ते इतरांच्या दृष्टीनं चुकीचं आहे, याची जाणीव तेव्हा झाली. तोपर्यंत इतर दैनंदिन गरजांइतकीच वाचन ही माझ्या दृष्टीने अपरिहार्य असणारी गोष्ट माझ्या हातून होत होती." हे उद्गार आहेत कॅथरित कुकसन या इंग्रजी लेखिकेचे! (नुकतीच ९१ व्या वर्षी ती मृत्यू पावली.) वयाच्या ४१ व्या वर्षी लेखनाला सुरुवात करीपर्यंत केवळ वाचन हा तिच्या आयुष्याचा अविभाज्य भाग होता. त्यासाठी बेसुमार छळ तिनं सोसला होता, पुस्तकांची चोरी करण्यासारखे अपराधही केले होते. वरील परिच्छेद - "प्रसंगी अखंडित वाचीत राहावे! -" ग्रंथ गोफ सदरातील  मीना वैशंपायन यांच्या लेखातील आहे.  जुनी कात्रणे चाळीत असताना हे वाचन आणि ग्रंथप्रेमी वाचकांसाठी लिहिले आहे. पूर्वी १९९३-९४ साली  महाराष्ट्र टाइम्स वर्तमानपत्रात "ग्रंथाच्या सहवासात" हे रविवारी सदर असायचे त्यात प्रसिद्ध व्यक्तीचे विचार आणि त्यांनी वाचलेली पुस्तके यांचा ...

6 एप्रिल 2021रोजी डायबेटिक असोसिएशन येथे माझ्या शरीराची वार्षिक परीक्षा झाली. श्री दत्त महाराज यांचे दर्शन घेऊन सकाळी 8 वाजता परिक्षा केंद्रावर हजर झालो. माझ्या fasting, ECG परिक्षा सुरू झाल्या. चहा पाणी यासाठी थोडा वेळ होता. 9.30 वाजता दाताची टेस्ट होती. दात सगळे व्यवस्थित आहे असे डॉ.नी सांगितले.तपासून झाल्यावर    "काका, आज माझा वाढदिवस मला आशिर्वाद द्या " असे सांगून डॉक्टरीण मुलीने आमच्या पाया पडून चॉकलेट दिले (साखरेचे खाणार त्याला देव देणार..). सुखी समाधानी आणि भरभराट असा आशिर्वाद देऊन वाढदिवसानिमित्त माझ्या दाताची शक्ती वाढू दे अशी मनोमनी प्रार्थना केली.. दुपारी जेवण करून परत १ वाजता परीक्षा केंद्रावर हजर. एका रूममधून दुसऱ्या रूममध्ये विविध प्रकारच्या टेस्ट्स झाल्या. डोळे, पाऊल,pp , रक्तदाब,आहारतज्ज्ञ यांचा सल्ला, व्यायाम बाबत मार्गदर्शन, वगैरे ...शेवटी ४ वाजता निकाल लागला.  मधुमेह, बी-१२,triglyeceride  या विषयात माझी कामगिरी मनासारखी समाधानकारक नव्हती. बाकी विषयात उत्तम मार्क्स पडले. अर्थात मधुमेह, triglyeceride या विषयात निकाल अपेक्षित होता. कारण मी या विषयात क...