Shekhar's write-up

  आदरणीय  श्री विजय बापट आणि सौ.नीला बापट यांना, २३ मे- आपला लग्नाचा ५० वा वाढदिवस... विशेष वाढदिवस .. हार्दिक शुभेच्छा ..  आपण उभयतांना सुआरोग्य लाभो हीच मनोकामना.. आपण दोघे सकाळी/संध्याकाळी फिरायला जाताना गाठ पडल्यावर खुशाली विचारपूस करून संवाद घडतो.  बऱ्याच वेळा आम्ही .. "मामा - मामा" म्हणून आणि इतर पण चेष्टा मस्करी करतो पण आपण कधीच रागावले असे दिसले नाही.  गप्पा मध्ये नेहमी आम्हाला .. नातेवाईक, मुले, संसार, मुलांची नोकरी, नवरा बायको.. याबाबत  नेहमी उत्तम सल्ला देत असता आणि आपल्या जीवनातील गंमतशीर  अनुभव सांगत असता..रस्त्यामध्ये आपण भेटला आणि आपल्याबरोबर ५-१० मिनिटे गप्पा होतातच... आपण खरच .. friend philosopher  आणि guide आहात.. माझा मुलगा जपानहुन "बापट काकाचा" सल्ला घ्या असे आम्हास सांगत असतो.  आपला बोलका आणि साधी राहणी, परखड स्वभाव  आम्हास नेहमी भावून जातो.  आपल्याशी मैत्री आणि स्नेह लाभणे .. आम्ही नशीबवान..  आपला दोघांचा उत्साह  पाहून लग्नास ५० वर्षे झाली असे वाटत नाही.  आपण दोघे चिरतरुण..  असेच नेहमी आनंदी...

  ऐसपैस गप्पा: दुर्गाबाईंशी - ले. प्रतिभा रानडे  या पुस्तकात लेखिकेने दुर्गाबाईंना बरेच प्रश्न विचारले आणि त्यावर दुर्गाबाईंचे विचार.. प्रामुख्याने ५ विषयावर हे पुस्तक विभागले आहे - १) संस्कृती २) साहित्य चिंतन  ३) बौद्धांचे योगदान ४) दुर्गाबाईंच्या लेखन प्रवास आणि ५) मृत्यू .. अनेक समाजातील रूढी परंपरा, बौद्ध धर्म, साहित्य आणि मृत्यू याबाबत विषयवार लेखिकेने विचारलेल्या प्रश्नावर दुर्गाबाईंनी परखड विचार मांडले आहेत.  दुर्गाबाईंच्या वृत्तीमध्ये नित्य ताजेपणा, ज्ञानाची पराकोटीची ओढ  .. हे रहस्य सुखी जीवनाचे.. रोजचा दिवस नवी उमेद देऊन जातो ..आपले आयुष्य म्हणजे ईश्वराने दिलेली देणगी आहे .. असे विचार दुर्गाबाईंचे आहेत असे लेखिका म्हणते.  पुस्तक वाचनीय आहे.  या पुस्तकास मराठवाडा साहित्य परिषद यांचा पुरस्कार लाभला आहे.

  परकं रक्त - प्रतिभा रानडे  हा एक कथा संग्रह.  यातील त्यांचं जग, आमचं जग, मायलेकी, पांढरी शुभ्र म्हातारी, पैलतीरावर आणि समुद्र बोलावतो आहे. या कथा आवडल्या.

  विविध दिवाळी अंकांतील लेखिकेने लिहिलेले लेखांचे संकलन म्हणजे हे पुस्तक.  आपल्या जीवनात भेटलेल्या व्यक्ती, घटना आणि अनुभव यांचे उत्तम चित्रण या पुस्तकातील लेखात व्यक्त केले आहे. विदुषी दुर्गाबाई यांचे व्यक्ती चित्रण आणि  स्वभाव - स्मरण दुर्गाबाईंचे या लेखात उत्तमप्रकारे लिहिले आहे. आपल्या आई,आजी, मावशी, आणि इतर नातलग यांच्याबाबत आठवणी - अबोलीची भाषा या लेखात आहेत. अश्वस्थाच्या सावलीत या लेखात आपल्या वडिलांच्याबाबत कर्तृत्वाबाबत सुंदर आठवणी लिहल्या आहेत. हा लेख मनास भावून जातो.  आपल्या आईची ज्ञानेश्वरीविषयी भक्ती - आळंदी या लेखात कथन केली आहे.  पावसाच्या आठवणी आणि निसर्ग याबाबत अनुभव आपल्या लहानपणीच्या आठवणी जाग्या होतात.  सर्व लेख वाचनीय आहेत. हे पुस्तक संग्रही ठेवण्याजोगे 👌👍आहे.

  दैनिक लोकसत्ता या वर्तमानपत्रात शुक्रवारची कहाणी हे सादर प्रतिभा रानडे यांनी लिहिले.  लेखिकेचे जगाकडे पाहण्याचा स्त्रीचा दृष्टीकोन, स्वतःचे अनुभव, स्त्रियांचे समाजातील प्रश्न, याबाबत आपले विचार या पुस्तकात व्यक्त  केले आहेत. प्रवास चालूच आहे या सदरात - गिरीश कर्नाड यांनी दिग्दर्शित केलेला  "चेलुवा" या कन्नड टेलिफिल्म बाबत माहिती दिली आहे. कानडी लोककथेवर हा चित्रप्रट आधारित आहे.  इतर लेख पण वाचनीय आहेत.

  लेखिकेने अफगाणिस्तान देशाचा इतिहास बाबत बरेच संशोधन करून लिखाण केले आहे.आपल्या वास्तव्यात आलेले भयाण अनुभव हे पुस्तकात नमूद केले आहेत. इस्लाम धर्म, तिथे राहण्याऱ्या महिलांचे अनुभव, हाल, सामाजिक आणि राजकीय परिस्थिती याचे वर्णन उत्तम प्रकारे व्यक्त केले आहे. पुस्तक वाचनीय आहे