Shekhar's write-up

  माझ्या सासू आणि सासरेबुवा यांच्या  भेटीसाठी बेंगलोर येथे गेल्या आठवड्यात 8 दिवसाचा दौरा करुन आलो. सासुरवाडीस जाऊन जवळजवळ 3 वर्षे झाली होती.  वयोमानानुसार खाणे कमी झाल्यामुळे आणि इतर पथ्य पाणी यामुळे तब्येतीत चढ उतार असतो. आपल्या सासू-सासरे यांच्या तब्येतीची काळजी सौ. गायत्री उत्तम घेते.  त्यांचे पथ्य पाणी, औषध, इतर किरकोळ आरोग्याच्या चाचण्या घेणे, नियमित खान-पान, हे सर्व गायत्री आनंदाने करते.  आमच्या ८ दिवस मुक्कामात गायत्रीने आम्हास उत्तम स्वयंपाक पाणी करून वाढले.  सर्व अन्नपदार्थ चविष्ट केले होते. गायत्री दोन चाकी आणि चार चाकी गाड्या उत्तम चालवते.   तिच्यामुळे आम्हाला काही भागातील देवळास गाडीतून भेटी देता आल्या.  आपल्या मुलीस नृत्याच्या क्लास साठी खूप मेहनत घेऊन पाठबळ देते. शाळेमध्ये Co-ordinator पदावर काम करून आपल्या कुटुंबियांसाठी बरीच मेहनत घेऊन घरासाठी झटत असते. तिच्या Co-ordination या कौशल्यामुळे जीवनात तिचे सर्वाशी छान co-ordination जमते .जुन्या आणि नवीन पिढीच्या विचारसरणीशी मिळतेजुळते घेऊन आनंदाने चटकन समरस होते. ..अशी  सून...

  काल मित्राच्या सासूबाई गेल्या फोन आला होता म्हणून वैकुंठ स्मशानभूमीत गेलो होतो. प्रथम माझे लाडके संत तुकाराम महाराज यांचे त्यांच्या अभंगातून दर्शन झाले. झाला प्रेतरुपी शरीराचा भाव.... पुढे विद्युतदहिनी मध्ये देहाची राख व्हायला फक्त 15 सेकंदच...तरीपण आपण जगताना माझा जीवनसाथी/मुले/सून/जावई/सासू/सासरे माझे ऐकत नाही म्हणून आपण त्रास करून घेतो.. स्वतः बदलण्या ऐवजी दुसऱ्यांना बदलण्याचा प्रयत्न करीत असतो..मी माझे माझे करीत असतो.. नाही का..स्मशान वैराग्य..शेवटी राम नाम सत्य है....हेच खरे.. श्री राम जय राम जय जय राम.. कटू सत्य शेअर केले क्षमस्व 🙏🙏🙏 संत  तुकाराम महाराज अभंग

  माध्यमिक शालेय जीवनात गांधींची भेट झाली ती निबंधावेळी.  त्यावेळी एवढेच माहित की गांधींच्याविषयी बऱ्या पैकी माहिती होती ८-१० ओळी लिहिता येत असे.  म्हणून माझा आवडता नेता या विषयावर भाषणासाठी अर्थात गांधींची निवड केली जात असे.  नाहीतर दुसरा नेता निवडलातर दोन तीन मिनिटानानंतर  भाषणात ..अ..अ ..ची पाळी यायची.  तरुण वयात आम्ही गांधी यांना नावे ठेऊन टिंगल करीत असू .  बँकेच्या नोकरीत बदली अहमदाबाद येथे झाली. त्यावेळी साबरमती आश्रमास भेट दिली.  पोरबंदर येथे गांधींचे जन्म स्थळ पाहण्याचा योग आला.    प्रा. शिवाजीराव भोसले यांच्या भाषणात " गांधी " यांचा उल्लेख नेहमीच असायचा.  वाचनात गांधी यांच्याबाबत काही माहिती आणि इतर गोष्टी कळल्या.  नोकरी आणि इतर प्रांतात राहताना, प्रवास करताना गांधी यांची तत्वे आचरणात आणण्याचा प्रयत्न केला आणि मला फायदा झाला.  अहिंसा, सत्य, साधी राहणी उच्च विचारसरणी , गरीबांविषयी करुणा, स्वच्छता, आरोग्य, खानपान , प्रार्थना, सात तत्वे., ... याबाबतचे विचार भावून गेले.  विसाव्या शतकातील दोन महान व्यक्ती मध्ये "ग...