Shekhar's write-up

  28 .०४.२०२३ रोजी सकाळी प्रयागराज येथील संगम भागात आलो. बोटीतून संगमावर आलो. गंगा यमुना आणि सरस्वती नद्यांचा संगम - सरस्वती लुप्त आहे.  संगम भाग प्रेक्षणीय आणि स्वच्छ आहे. येथे संगमेत स्नान करण्याची  सोय केली आहे. येथे बाकी पूजा क्रिया कर्मपण केले जाते.  प्रयागराज येथून UP मंडळ बसने - जनरथ - AC बसने कानपूरकडे प्रयाण केले. संध्याकाळी कानपूरला IIT कॅम्पस मध्ये सुखरूप पोचलो 

  सकाळी गंगा घाटावर बोटीतून २ तास फेरफटका मारला.  गंगेवर जवळजवळ ८० घाट आहेत. सर्वात गंगा घाट मोठा आहे.  मणिकर्णिका घाटावर प्रेते अखंड जळत असतात.  गंगा नदी बऱ्यापैकी स्वच्छ आहे.    २७.०४.२०२३ रोजी सकाळी वाराणसीला टाटा करून आम्ही प्रयागराज येथे उत्तर प्रदेश राज्य परिवहन मंडळ बसने दुपारी प्रयागराज येथे पोचलो. संध्याकाळी प्रयागराज येथे स्थानिक स्थळास भेट दिली.  यामध्ये आनंद भवन  - मोतीलाल नेहरू यांचा बंगला, तारांगण, अलाहाबाद हायकोर्ट, भारद्वाज पार्क, चंद्रशेखर आझाद पार्क.. हा भाग पाहिला.  चंद्रशेखर आझाद पार्क खूप मोठी पार्क आहे.  वाटेत रसगुल्ला, पाणी पुरी याचा आस्वाद घेतला.

  आम्ही सारनाथ, BHU बिर्ला मंदिर ही ठिकाणे पाहण्यासाठी रिक्षा ठरवली.  प्रथम सारनाथ येथील बुद्ध मंदिर पहिले.  हा परिसर खूप स्वच्छ आणि सुंदर आहे. येथे बुद्ध स्तूप, बोधी वृक्ष आणि घंटा आहे. पहाटे ही घंटा वाजवतात.  याचा आवाज २ km पर्यंत जातो असे सांगतात.  बुद्धाची बोधी वचने दोन्ही बाजूस लावली आहेत. येथे जपानी बुद्ध मंदिर पाहण्याजोगे आहे. जपान सरकारच्या मदतीने हे बांधकाम केले गेले आहे.  बनारस हिंदू युनिव्हर्सिटी हा मोठा भाग आहे  याला येथे "लंका" म्हणतात.  बिर्ला मंदिर, IIT BHU , आणि युनिव्हर्सिटीची इतर विभाग सर्व या भागात आहेत.  बिर्ला मंदिर दुमजली आहे. दुसऱ्या मजल्यावर भगवद गीता अध्याय, उपनिषद, वेद यातील श्लोक, ऋचा.. कोरले आहेत.  येथे श्री शिवलिंग, गणपती, राम सीता , मूर्ती आहेत. आसपास बाग आहे.  नंतर आम्ही IIT BHU आणि इतर युनिव्हर्सिटी भाग विभाग बाहेरून पाहिले.  पंडित मदन मोहन मालवीय यांचा पुतळा आहे.